Pampatibay-loob:
Nakagiginhawang mga Salita
Narito ang mga isinulat ng ilan para maglaan ng kaaliwan
sa mga namatayan:
“Hindi namin alam kung ano ang sasabihin, pero mahal ka
namin. Hindi namin alam ang talagang nararamdaman mo, pero alam iyon ni Jehova
at patuloy ka niyang aalalayan. Sana kahit paano makatulong ang mga panalangin
namin.”
“Palakasin ka nawa ni Jehova sa panahon ng iyong pagdadalamhati.”
“Tandaan mo na ang iyong minamahal ay nasa alaala ng
Diyos, na nakakaalam ng bawat detalye tungkol sa kaniya at muling bubuhay sa
kaniya.“
"Hinding-hindi na haharapin uli ng minamahal mo ang
huling kaaway, ang kamatayan. Samantala, ang kaniyang rekord ng pananampalataya
ay mananatili hanggang sa buhayin siyang muli sa Paraiso.”
“Kulang ang salita para ipaliwanag ang kirot ng
pagkamatay ng minamahal, pero inaasam natin ang panahon na kukulangin tayo ng
salita para ipaliwanag ang kagalakan kapag binuhay-muli ng ating makalangit na
Ama ang iyong minamahal.”
Comments
Post a Comment